കീബോർഡ് പഠനം എവിടെ നിന്നാണ് ആരംഭിക്കേണ്ടത് ? കീബോര്ഡിസ്റ്റിന്റെ ജോലി എന്താണ് ???

 കീബോർഡ് പഠനം എവിടെ നിന്ന് ആരംഭിക്കണം ?

ഒരു അധ്യാപകന്റെ കീഴിൽ അല്ലാതെ ഇത്തരം ഓൺലൈൻ ഫ്ലാറ്റ് ഫോം വഴി മ്യൂസിക് പഠിക്കുന്ന ഏതൊരു വിദ്യാർത്ഥിക്കും ഉണ്ടാകുന്ന ഒരു സംശയം തന്നെ ആണ് " ഞാൻ മ്യൂസിക് എവിടെ നിന്നാണ് പഠിച്ച് തുടങ്ങേണ്ടത് ?"👀👀

 ഒരു ഇലക്ട്രോണിക് കീബോര്ഡിന്റെ അടിസ്ഥാന പ്രവർത്തനങ്ങൾ ( basic functions ) എന്തൊക്കെ ആണ് എന്നാണ് വിദ്യാർത്ഥികളായ നിങ്ങൾ ഒരോരുത്തരും ആദ്യം അറിഞ്ഞിരിക്കേണ്ടത് .✌

പലതരം പ്രവർത്തനങ്ങൾ അടങ്ങിയ വില കൂടിയതും കുറഞ്ഞതുമായ മ്യൂസിക് കീബോർഡുകൾ ഇന്ന് മാർകെറ്റിൽ ലഭ്യമാണ്. 

YAMAHA < ALESIS < KORG< CASIO തുടങ്ങിയവ ബ്രാൻഡഡ് കീബോർഡുകൾ ആണ് .

 തുടക്കക്കാർ ഒരു പുതിയ കീബോർഡ് എടുക്കുമ്പോൾ നിർബന്ധമായും അതിന്റെ പ്രവർത്തനങ്ങൾ അറിയാവുന്ന ഒരു ആളിന്റെ സഹായം തേടേണ്ടതാണ് ..അല്ലാത്ത പക്ഷം വളരെ ചീപ്പ് ആയ കീബോർഡുകൾ ഷോപ്പ്‌കാർ നിങ്ങളുടെ മേൽ അടിച്ച് ഏൽപ്പിക്കുന്നതാണ് .( എന്റെ സ്വന്തം  അനുഭവം😌 )

സ്വന്തമായി ഒരു  കീബോർഡ് എടുക്കുവാൻ നിങ്ങൾക്ക് ആരും സഹായമായി വന്നില്ല എങ്കിൽ ഞാൻ നിങ്ങളോടു താഴെ പറയുന്ന കീബോർഡുകൾ ശുപാർശ ചെയ്യുന്നു.  

Yamaha PSR-E373 ( Rs. 12,000  to 13,000)

Yamaha PSR-I400, PSR-E463  ( Rs. 16 ,000  to 18 ,000)

Casio CTX700 61-Key (Touch Sensitive) - ( Rs. 10,000  to 11,000)

മുകളിൽ നൽകിയിട്ടുള്ള കീബോർഡുകൾ ആണ് ഞാൻ കൂടുതൽ എന്റെ സംഗീത വിദ്യർത്ഥികൾക്ക്‌ ശുപാർശ ചെയ്യുന്നത് . ഇനി ഇവ കൂടാതെ മറ്റ് ഏത് സീരിയസിൽ പെട്ട കീബോർഡ് നിങ്ങൾ വാങ്ങിയാലും  പ്രത്യേകം ശ്രദ്ധിക്കുക അവ Touch Sensitive ഉള്ളതും Portable Keyboard ആകേണ്ടതും ആണ് . കാരണം വില കുറഞ്ഞ midi റ്റൈപ്പ്‌ കീബോർഡുകൾ ഓൺലൈൻ ഷോപ്പുകളിൽ  ലഭ്യമാണ്. അത്തരം കീബോർഡുകൾ കമ്പ്യൂട്ടർ വഴി മാത്രമേ പ്രവർത്തിക്കാൻ സാധിക്കുകയുള്ളൂ .. 

ഒരു മ്യൂസിക് കീബോർഡിന്റെ അടിസ്ഥാന പ്രവർത്തങ്ങൾ ഏതൊക്കെ എന്ന് നോക്കാം .

മ്യൂസിക് കീബോര്ഡിന്റെ അടിസ്ഥാന പ്രവർത്തങ്ങൾ  എന്തൊക്കെയാണ് എന്ന്  നിങ്ങളെ  പരിചയപ്പെടുത്താൻ ഇവിടെ ഉപയോഗിക്കുന്ന portable കീബോർഡ് ആണ് Yamaha PSR-E373.

ഈ സന്ദർഭത്തിൽ ഒരു കാര്യം കൂടി ഞാൻ പറയാൻ ആഗ്രഹിക്കുന്നു . മറ്റ്  സംഗീത  വാദ്യോപകരണങ്ങളിൽ  നിന്ന് കീബോർഡിനെ വ്യത്യസ്ഥമാക്കുന്നത് അവയുടെ പ്രവർത്തന രീതിയിൽ ആണ് . ഇന്ന് കാണുന്ന എല്ലാ വാദ്യോപകരണങ്ങളുടെ ശബ്ദവും നമുക്ക് കീബോർഡിൽ വായിക്കുവാൻ സാധിക്കുന്നതാണ്. വാദ്യോപകരണങ്ങളുടെ ശബ്ദത്തിന്റെ ക്വാളിറ്റിയും അവയുടെ പെർഫെക്ഷനെ സഹായിക്കുന്ന bender,touch sensitive തുടങ്ങിയ functions അടങ്ങിയ  കീബോർഡുകൾക്കാണ് മാർകെറ്റിൽ വില .

ഒരു കീബോര്ഡിന്റെ മർമ്മ പ്രധാന ഭാഗമാണ് കീസ് ( KEYS )

 61-keys ആണ് ഈ കീബോഡിന് ഉള്ളത് . (എല്ലാ കീബോർഡിലും കീ-കളുടെ എണ്ണം ഒരുപോലെ അല്ല )

ശേഷം ഉള്ളത് അവയുടെ പ്രവർത്തനങ്ങൾ മോണിറ്റർ ചെയ്യുവാനുള്ള ഡിസ്പ്ലേ ആണ് 

ഞാൻ ആദ്യം പറഞ്ഞുവല്ലോ എല്ലാ വാദ്യോപകരണങ്ങളുടെ ശബ്‍ദവും നമുക്ക് കീബോർഡിൽ വായിക്കുവാൻ സാധിക്കുന്നതാണ്  .അതുകൊണ്ട് നമുക്ക് വാദ്യോപകരണങ്ങളെ ( instruments ) നാലായി തരം തിരിക്കാം 

1.STRING instruments

2.BRASS instruments

3.WOOD WIND instruments

4.PERCUSSION instruments

കീബോര്ഡിലെ അടുത്ത പ്രധാന functions keys കളിൽപെട്ടവയാണ് 

SONG ,VOICE ,STYLE   

വൈവിധ്യമാർന്ന ഉപകരണ ശബ്ദങ്ങൾ പ്ലേ ചെയ്യാൻ സാധിക്കുന്ന കീബോര്ഡിന്റെ അതിപ്രധാനപ്പെട്ട ഭാഗമാണ് ഇവ . സാധാരണ  

കീബോർഡ് ഉപകരണ ശബ്‌ദമായ പിയാനോ  എന്നിവയ്‌ക്ക് പുറമേ, 

ഗിത്താർ, ബാസ്, സ്ട്രിംഗുകൾ, സാക്സ്, ഡ്രംസ്,  ഒപ്പം വലിയ ശബ്‌ദ ശ്രേണികളായ താളവാദ്യങ്ങൾ, ശബ്‌ദ ഇഫക്റ്റുകൾ തുടങ്ങിയവ തെരഞ്ഞെടുക്കുവാനും ഈ ബട്ടൻസ് കീബോർഡുകളെ സഹായിക്കുന്നു .

ഒരു കീബോര്ഡിസ്റ് ആണ് ഒരു ഗാനത്തിന്റെ ചട്ടകൂട് പണിയുന്നത് .അതായത് ഒരു കെട്ടിടം പണിയാൻ എഞ്ചിനീയർ പ്ലാൻ വരയ്ക്കുന്നപോലെ . കംപ്ളീറ്റ് ആയ പ്ലാനിങ് കൊണ്ട് എഞ്ചിനീയർ അത് നന്നായി പണിചെയ്യുവാൻ സാധിക്കുന്ന എക്സ്പീരിയൻസ് ആയ ജോലിക്കാരെ സമീപിക്കുകയും  ശേഷം അവരെ കൊണ്ട്  അതി മനോഹരമായ കെട്ടിടം പണിയുകയും ചെയ്യുന്നു .

ഇവിടെ  എഞ്ചിനീയറെ കീബോര്ഡിസ്റ് ആയും അതിന്റെ പൂർണ്ണതയിൽ എത്തിക്കുന്ന ജോലിക്കാരെ (ആർട്ടിസ്റ് ) ഓരോ വദ്യോ ഉപകരണങ്ങൾ നന്നായി വായിക്കാൻ അറിയുന്ന കലാകാരൻമാർ ( guitarist, drummer ,flutist ,tabalist ) ആയും ചിന്തിക്കുക .

"സംഗീതത്തെ നിയന്ത്രിക്കുന്ന ആളാണ്  സംഗീതജ്ഞൻ "

എന്തിനേറെ ഇന്ന് നാം കേൾക്കുന്ന സിനിമയുടെ പശ്ചാത്തല സംഗീതം വരെ ചിട്ടപ്പെടുത്തുന്നത് കീബോര്ഡിസ്റ്കളാണ് . 

അപ്പോൾ നിങ്ങൾക്ക് സംഗീതത്തിൽ ആര്  ആകുവാൻ ആണ് താല്പര്യം ?

ഒരു സ്റ്റേജ് അവതാരകൻ അല്ലങ്കിൽ , സ്വന്തമായി സംഗീതം ചിട്ടപ്പെടുത്തുന്ന ആൾ ?